ഭാരതത്തില്‍ ഒളിമ്പിക്സ് നടത്തിയ വര്‍ഷമേത് ?എവിടെ വെച്ച് ?
പൊതു വിജ്ഞാനം പോരാ അല്ലെ ?
സുല്ലിട്ടെങ്കില്‍ ഞാന്‍ പറയാം , 2010 ല്‍ ഡല്‍ഹിയില്‍ വെച്ചാണ് ഭാരതത്തില്‍ ഒളിമ്പിക്സ് നടത്തിയത് .....
ഒളിമ്പിക്സ് എന്ന മഹത്തായ കായിക മാമാങ്കമല്ല , ' അഴിമതി ഒളിമ്പിക്സ് ' എന്ന പള്ളവീര്‍പ്പിക്കല് മാമാങ്കം .
അതെ , ഭാരതത്തിന്റെ യശസ്സുയര്‍ത്തുമെന്നു നമ്മള്‍ കരുതിയ കോമണ്‍ വെല്‍ത്ത് ഗയിംസിനെപ്പറ്റിയാണ്‌ പറഞ്ഞു വരുന്നത് ....... അതിന്റെ സംഘാടകര്‍ സ്വന്തം കീശ മാത്രം വലുതാക്കി ലോകത്തിനു മുന്‍പില്‍ ശത കോടിയിലേറെ വരുന്ന ഭാരതീയരെ നാണം കെടുത്തിയ കഥ ...... കായിക മേളയില്‍ ഓടിയതും ചാടിയതും നീന്തിയതും ഗുസ്തി പിടിച്ചതുമൊന്നും കായിക താരങ്ങളല്ല ........... വന്‍കിട കമ്പനികള്‍ .......... അഴിമതിയില്‍ സ്വര്‍ണം നേടാന്‍ ......
ഈ കായികമേളയില്‍ നടന്ന അഴിമതിയെപറ്റി സീ . എ .ജി . റിപ്പോര്‍ട്ടിലുള്ള പരാമര്‍ശമാണ് ഈ രചനയ്ക്ക് ആധാരം .... കായിക മേളയുടെ അനുബന്ധ കരാറുകള്‍ വഴിയാണ് സംഘാടക സമിതി അധ്യക്ഷനായ സുരേഷ് കല്‍മാഡിയും കൂട്ടരും കോടികളുടെ അഴിമതി നടത്തിയത് . ഇന്ന് സി . എ . ജി റിപ്പോര്‍ട്ട്‌ പാര്‍ലമെന്റ് മുന്‍പാകെ വെയ്ക്കുന്നു .........കുറച്ചു ഒച്ചപ്പാട് മാത്രം .അല്ലാതെ ഒരു ചുക്കും സംഭവിക്കില്ല .
ചക്കരക്കുടത്തില്‍ കയ്യിട്ടു നക്കിയവര്‍ അഴിക്കുള്ളില്‍ പോലും മുന്തിയ പഞ്ചനക്ഷത്ര ഹോട്ടലിലെ സൌകര്യങ്ങള്‍ ആസ്വദിച്ചു സസുഖം വാഴുന്നു ..............
അവര്‍ക്ക് 'മറവി ' അനുഗ്രഹമാകുന്ന കാഴ്ചയും നമ്മള്‍ കണ്ടു കഴിഞ്ഞു ...... ഇനി എന്തെല്ലാം .....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ